ద్విపదభాగవతం - మధురకాండ : బలరాముఁడు ముష్టికుని జంపుట
అప్పుడు ముష్టికుం డమరు లీక్షింపఁ
జెప్ప బెట్టులుగాఁగ సిరితోడఁ దొడరి
పులులచందమున నుబ్బుచుఁ బొంగిపొంగి
బలులులాయంబులపగిది దాఁటుచును
పాయుచు డాయుచు బాహార్హళముల
వ్రేయుచు నొగిఁ బెక్కువిధములఁ బోర;
ద్రిష్టించి చూపర దిగులొంద నిలిచి
ముష్టికుం డడరి రాముని బెట్టుఁ బొడువ
ఫాలంబు పగిలి తప్పక నెత్తురొలుక.
నేలపైఁ బడి లేచి నీలాంబరుండు - - 220
పిడుగు వ్రేసిన భంగిఁ బిడికిటఁ బొడువఁ
బడితన్నుకొని జెట్టి ప్రాణముల్ విడిచె;
గతుఁడైన ముష్టికుఁ గని వాని తమ్ముఁ
డతిబలాఢ్యుఁడు కూటుఁ డను వాఁడు సీరిఁ
బోకుఁబోకని దాఁకి పొరిముష్టిఁ బొడువ
యాకటుఁ దెకటార్చి యార్చె మిన్నదువఁ
గోసల ప్రభృతులొక్కొట యేడుగురను
వాసుదేవుఁడు వారి వధియించె నంతఁ
గనుఁగొని మల్లవర్గము వారుటయును
యనిమిషావలిఁ జూచి యచ్చెరువందె.